 |
MONTAÑA |
|
VEXETACIÓN |
|
RÍOS |
|
FAUNA |
|
ACTIVIDADES |
|
SENDEIRISMO |
Entrar en Pazos de Borbén é viaxar a través dun territorio
de gran beleza. É un dos lugares idoneos para aqueles que buscan
a tranquilidade e o descanso nunha área que combina a paisaxe de
montaña coa frondosidade das ribeiras dos múltiples rios
e regatos que o atravesan.
MONTAÑA
A zona máis alta do concello é a serra
do Galleiro, que forma unha liña de cumes de case dez quilómetros,
un amplo espacio natural para disfrutar camiñando ou en bici de
montaña. Pola súa extensión foi na posguerra refuxio
de "fuxidos" ós que se fixo recentemente unha homenaxe.
Actualmente os únicos habitantes son os cabalos
bravos, coellos, aves rapaces e outras especies animais.
Dende os seus outeiros de bolas graníticas pódese disfutar dunha das máis extraordinarias vistas das rías baixas. Alguns destes penedos teñen estranas formas cargadas de lendas e supersticións como a chamada pedra Catanga, unha pedra musical relacionada coa fertilidade.
Tamén cabe destacar o monte de Pedra Quitiña que é un gran piñeiral cun característico mirador dende o cal se pode divisar practicamente todo o concello.
VEXETACIÓN
No que á vexetación se refire, a maior parte do territorio
de Pazos de Borbén é monte arborado, sendo a especie máis
abundante o piñeiro, e destacando a notable extensión de
piñeirais dos montes de A Serra e Pedra Quitiña.
Por outro lado o eucalipto foi ocupando parte dos lugares poboados noutros tempos carballos e castiñeiros e tamén espacios anteriormente destinados a pastos para o gando. Así e todo, neste municipio podemos atopar abundantes fragas e bosques de ribeira nos que o visitante pode pasear entre amieiros, bidueiros, carballos e sobreiras. Destacan as fragas do río Barragán, do río Pozo Negro e do río Pequeño.
RIOS
Se non buscamos o esforzo da montaña e preferimos repousar nin
curruncho tranquilo escoitando o marmuro das augas, temos en Pazos de
Borbén moitos posibles paseos.
As ribeiras do río Pozo Negro son espacios realmente naturáis, permanecendo inalterados pola man do home, sendo as súas fragas especialmente fermosas.
No Río Pequeno atopamos diversas especies de árbores de ribeira, abeleiras, bidueiros, amieiros, e sobre todo carballos.
As ribeiras do río Barragán son un inmellorable marco para aquel que quere camiñar entre fragas e frondosa vexetación, ademáis atópase unha bonita fervenza que o visitante non debe deixar de visitar, chamada Pozo Machado.
FAUNA
Ademáis, Pazos de Borbén ten unha capacidade enorme para acoller multitude de especies animáis distintas. Según un estudio realizado, ademáis de outros moitos animáis salvaxes, habitan no seu territorio un total de 70 especies de aves (non domésticas) diferentes, algunhas de grande atractivo como son as aves rapaces. Este dato reflicte a riqueza dos espacios naturáis deste concello, hábitat natural de tantas especies.
ACTIVIDADES
O contorno paisaxístico de Pazos de Borbén permite realizar
numerosas actividades relacionadas coa natureza, como son o seindeirismo,
a pesca e a caza deportivas, e para os afeccionados á micoloxía
a recollida de cogomelos, amoréandose nestas fragas e piñeirais
numerosas especies de fungos comestibles, aquí chamados pan
de cobra.
RUTAS DE SENDEIRISMO
Ademáis das diferentes rutas alternativas que o visitante pode tomar adentrándose en diferentes camiños e sendas, podemos atopar as seguintes rutas de sendeirismo:
 |
|
|
Unha segunda opción é percorrer o sendeiro PRG-26 que discorre polo Val do río Borbén. Os camiños enlousados, muros de pedra, levadas para a auga e pequenas pontellas fan deste sendeiro un espacio que permite gozar de fermosos e apacibles momentos en contacto coa natureza e o medio rural. A metade dos seus 15 Km. compártense co sendeiro anterior. |